Mae’r angen am dai fforddiadwy yn ystyriaeth cynllunio faterol ac yn elfen hanfodol o gyfrannu at adfywio cymunedol a chynhwysiad cymdeithasol. Bydd pob datblygiad preswyl newydd, gan gynnwys trawsnewidiadau a chynlluniau defnydd cymysg yn cael eu hystyried ar gyfer darpariaeth neu gyfraniadau datblygwyr.

Canllawiau polisi cynllunio cenedlaethol:-

• Polisi Cynllunio Cymru (2010)
• TAN 2 – Cynllunio a Thai Fforddiadwy

Cynllun Datblygu Lleol Conwy i’w Archwilio gan y Cyhoedd, yn benodol Polisi HOU/2 – Tai Fforddiadwy ar gyfer Angen Lleol

Asesiad Marchnad Tai Lleol Conwy Cam 1 (2007)

Datganiad Darparu Tai Fforddiadwy Conwy (2007-2011)

CDLl Papur Cefndir 9: Astudiaeth Hyfywdra Tai Fforddiadwy Conwy (2010)

CDLl Papur Cefndir 23: Cyfrifiad Anghenion Tai Fforddiadwy (2010)

Y disgwyliad yw bydd y tai fforddiadwy yn cael eu darparu ar safle fel rhan o’r datblygiad. Ond, bydd darpariaeth oddi ar safle neu daliadau wedi’u cymudo yn dderbyniol ar gyfer ceisiadau datblygu sy’n cynnwys 3 annedd neu lai ac efallai byddent yn dderbyniol ar gyfer ceisiadau sy’n cynnwys 3 annedd neu fwy dan amgylchiadau eithriadol os oes digon o gyfiawnhad.

Mae’r tabl isod yn darparu trosolwg o Bolisi HOU/2, gan ddangos mewn cipolwg pa fath o dai (mewn perthynas â fforddiadwyedd a’r farchnad) sy’n dderbyniol mewn lleoliadau o fewn ardal y Cynllun:

• Bydd lefelau isaf ac uchaf yn amodol ar brofi hyfywdra.
• Bydd symiau wedi’u cymudo oddi ar safle yn dderbyniol ar 3 annedd neu lai ar gyfer cynlluniau yn yr Ardal Strategaeth Datblygu Trefol, Llanrwst a phrif bentrefi Haen 1 neu gynlluniau sy’n fwy na 3 annedd dan amgylchiadau sydd wedi’u cyfiawnhau.

Mae’r Cyngor yn cefnogi creu cymunedau cynaliadwy, cymysg a chytbwys. Er mwyn osgoi goblygiadau negyddol dieithrio cymdeithasol, dylid dosbarthu tai fforddiadwy o fewn datblygiadau tai yn gyfartal ar draws y safle ac nid eu dyrannu yn anghyfartal i’r ymylon neu mewn un ardal benodol. Bydd y Cyngor angen grwpio tai fforddiadwy mewn clystyrau o ddim mwy na 5 a 10 eiddo.

Mae’r Cyngor yn derbyn bod rhaid cynnal darpariaeth tai ac os, ar ôl cwblhau gwerthusiad ariannol, mae datblygwr yn gallu dangos problemau hyfywdra go iawn, gellir cytuno ar adolygiad naill ai o raddfa gyffredinol y ddarpariaeth tai fforddiadwy, neu o’r detholiad eiddo a/neu’r math o ddaliadaeth.

• Trefn Drafod Tai Fforddiadwy
• Ffurflen Gynghori Cyn Cais Tai Fforddiadwy
• Cam 1: Ffurflen Asesu Hyfywdra a Chanllawiau Tai Fforddiadwy
• Cam 2: Ffurflen a chanllawiau Darpariaeth Oddi ar Safle
• Enghreifftiau gweithiedig o’r DAT

• Prisio’r datblygiad heb unrhyw dai fforddiadwy (gwerth gweddillol uchaf)
• Prisio’r datblygiad gyda 30% o dai fforddiadwy (gwerth gweddillol lleiaf)
• Prisio’r datblygiad gyda’r nifer mwyaf (ond cyfran lai) o dai fforddiadwy (hyd nes bod y prisiad gweddillol yn cynhyrchu ffigwr positif).

Dan yr amgylchiadau hyn, y dewis cyntaf fydd darparu’r unedau gan y datblygwr ar safle arall. Mae gan y Cyngor ddisgresiwn llwyr ynglŷn â lleoliad y safle arall. Bydd yn rhaid i ddatblygwyr ddarparu mwy o unedau tai fforddiadwy ar y tir oddi ar safle nac a gynigiwyd yn wreiddiol ar safle’r cais. Mae hyn oherwydd bydd cynnydd yn y nifer o unedau marchnad sy’n cael eu datblygu rŵan ar y safle gwreiddiol a bydd y cyfraniad wedi’i seilio ar y cyfanswm o unedau tai sydd i’w codi ar safle’r cais.

Y dewis olaf yw gwneud cyfraniad ariannol. Lle mae cyfraniad ariannol yn dderbyniol i’r Cyngor, cyfrifir y swm gan ddefnyddio’r DAT. Wrth gyflawni’r amcan â blaenoriaeth i gynyddu darpariaeth tai fforddiadwy, bydd y Cyngor yn gweithredu ‘Protocol Symiau Cymudol Conwy’ ac yn gofyn am ddefnyddio cyfraniadau ariannol tai fforddiadwy ar draws y Fwrdeistref Sirol.