Cynhaliwyd digwyddiad ymgynghori â’r gymuned ym mis Mawrth 2010 i roi cyfle i rannu syniadau cynnar a chofnodi’r sylwadau cyntaf a’u bwydo i mewn i’r broses uwchgynllunio. Cynhaliwyd y digwyddiad drwy’r dydd ar ddydd Gwener Mawrth 26 a dydd Sadwrn Mawrth 27 yng Nghanolfan Siopa Bay View. Canolbwynt y digwyddiad oedd cyfres o fyrddau cysyniad a oedd yn darlunio delweddau cyfredol o Fae Colwyn, gan ddangos asedau niferus y dref, yn ogystal â darparu syniadau am brosiectau posib i’w harchwilio a’u trafod. Roedd pobl yn gallu bwydo’n ôl trwy gerdyn post a sylwadau ar bapur gludiog. Cafwyd 443 o ymatebion.

Datblygwyd arolwg ar-lein hefyd fel bod pobl yn gallu gweld y cynlluniau a bwydo’u safbwyntiau yn ôl o bell ochr yn ochr ag unrhyw ymatebion ar gardiau post.  Fe fwriwyd golwg ar www.colwynbaymasterplan.info 46 o weithiau gyda 10 o bobl yn cymryd rhan yn yr arolwg.

Cynhaliwyd gweithdy tai a brecwast busnes hefyd ym mis Mawrth a mis Ebrill gyda rhanddeiliaid yn cael y cyfle i fwydo’u pryderon a’u blaenoriaethau yn ôl. Daeth 70 o randdeiliaid i’r digwyddiadau gan roi atborth gwerthfawr. 

Mae cyfres o ddigwyddiadau wedi cael eu cynnal yn ardal breswyl Canol Bae Colwyn i fwydo i mewn i gynllun cymdogaeth manylach fel a ganlyn:

Mae’r canfyddiadau cychwynnol yn debyg i’r heriau a nodir ym Menter Bywyd y Bae. Mae’n amlwg bod gan y dref ddelwedd a hunaniaeth wael er gwaethaf ei lleoliad ehangach. Caiff y sefyllfa hon ei dwysau gan y ffaith bod craidd adwerthu’r dref yn edrych yn aflêr ac yn dreuliedig gydag ystod o unedau gwag ac arlwy gwerth isel ar y cyfan. Er bod gan Ffordd yr Orsaf gasgliad trawiadol o adeiladau presennol, mae creu ardal i gerddwyr yn unig wedi effeithio ar fywiogrwydd a gweithgarwch ar y stryd hon. Mae Canolfan Siopa Bay View hefyd yn effeithio ar y dref gan dynnu pobl i ffwrdd oddi wrth ganol y dref ac i mewn i’r ganolfan siopa gaeedig. Mae’i natur drwchus a swmpus sy’n anghydnaws o ran cynllun a ffurf hefyd yn cyfleu delwedd dlawd, werth isel i ymwelwyr. 

Yn yr un modd, mae Menter Bywyd y Bae’n pwysleisio’r diffyg man neu ganolbwynt canolog lle gall busnesau adwerthu, cludiant a phobl gydgyfarfod i greu calon y dref. Nid yw cylchrediad cerddwyr yn eglur, yn enwedig i ymwelwyr sy’n dymuno archwilio a darganfod asedau unigryw’r dref tra bo cysylltiadau â’r glannau a’r parc yn wael iawn ac yn anneniadol.

Mae’r trefniadau ar gyfer cyrraedd y dref naill ai mewn car neu drên hefyd yn wan. Mae cylchrediad y traffig yn groes i’r hyn sy’n reddfol ac mae gorsaf drenau Colwyn yn siomedig ar ôl profi’r daith ar y trên arfordirol. Yn ogystal â hynny, mae’r sgwâr nad yw’n llawer mwy na maes parcio ar gyfer yr orsaf yn dreuliedig, yn cael ei gynnal a’i gadw’n wael, wedi’i ddylunio’n wael ac yn annymunol. Mae’n amlwg nad oes ymdeimlad o gyrraedd nac ymdeimlad gwirioneddol o ddisgwylgarwch a dengarwch ym Mae Colwyn.

Mae byw mewn rhannau o Fae Colwyn hefyd yn dwyn heriau. Eto yn unol â Menter Bywyd y Bae gwyddom fod stoc dai anghytbwys i’w chael, gyda nifer o’r tai Fictoraidd ac Edwardaidd wedi’u troi’n dai amlfeddiannaeth. Ychydig o dai fforddiadwy i deuluoedd sydd yng nghanol y dref er gwaethaf y ffaith y byddai byw’n agos at y môr, at barc da ac at ganol tref yn ddelfrydol i nifer o deuluoedd ifainc.  

Glan y môr yw’r ased gorau ond mwyaf anghofiedig o bosib. Mae cysylltiadau da ar draws yr A55 a’r rheilffordd yn sylfaenol i hunaniaeth lan-môr y dref yn enwedig i ymwelwyr â’r dref. Mae hyn yn mynd law yn llaw â datblygu cyrchfannau newydd ar gyfer y dref gan gynyddu niferoedd yr ymwelwyr a chryfhau’r economi leol.   

• Y rhwystr a’r diffyg cyswllt rhwng y dref a glan y môr a achoswyd yn gyntaf           gan y rheilffordd ac yna gan Ffordd Gyflym yr A55.
• Y berthynas dopograffig rhwng y dref a glan y môr.
• Dyluniad Canolfan Siopa Bay View a’i pherthynas â chanol y dref.
• Y rhan y mae angen i Ffordd Abergele ei chwarae fel Stryd Fawr benodol.
• Yr angen i gysylltu’r dref tua’r dwyrain â’r Ganolfan Ddigwyddiadau a’r      Academi Rygbi newydd a Pharc Eirias ar draws Nant Eirias.
• Manteisio ar asedau arwyddocaol glannau a mannau gwyrdd y dref.

Datblygwyd Bae Colwyn yn bennaf yn ystod rhan olaf y 19eg ganrif ac mae felly’n dref gymharol newydd. Serch hynny, mae iddi gymeriad Fictoraidd eglur a phendant iawn, a dirodres hefyd, y gellir defnyddio’r agweddau cadarnhaol arno i lywio a chyfarwyddo ymyrraeth a datblygiad modern yn y dref yn y dyfodol. Caiff ffawd economaidd y dref ei hadlewyrchu yn ei ffabrig. Yn y 1980au fe wnaeth yr A55, Canolfan Siopa Bay View, colli nifer o flaenau siopau a datblygiadau anghydnaws oll effeithio’n negyddol ar gymeriad y dref.

Nid yw’r uwchgynllun strategol hwn yn newid unrhyw ddynodiadau statudol sydd wedi’u bwriadu i ddiogelu cymeriad hanesyddol ardaloedd cadwraeth neu adeiladau rhestredig. Mae’r cynllun hwn yn canolbwyntio ar yr agweddau y mae buddsoddi ynddynt yn debygol o ddwyn effaith ar y dref gyfan ac mae’n cynnig dull cydgysylltiedig ac integredig mewn perthynas â buddsoddiadau a fydd yn arwain at gynaliadwyedd economaidd hirdymor. Mae diffiniadau o brosiectau yn nes ymlaen yn yr adroddiad hwn yn rhoi mwy o fanylion am faterion sy’n ymwneud â chyflawni.

• Gwella cartrefi presennol a’r arlwy preswyl cyffredinol.
• Targedu ardaloedd clirio a chanolbwyntio ar arlwy newydd o dai ar gyfer teuluoedd.
• Cynnal/gwella’r lefel bresennol o berchenddeiliadaeth ond cynyddu nifer y perchenogion hynny sy’n ifancach ac yn weithgar yn economaidd ac yn gallu buddsoddi yn eu cartrefi a’r gymuned
• Gweithio gyda phobl a busnesau lleol i wella perfformiad cymdeithasol, economaidd ac amgylcheddol yr ardal

• Cadw a chynyddu eiddo yn y sector perchenddeiliadaeth
• Gostwng nifer yr unedau o eiddo a reolir gan landlordiaid preifat o ansawdd gwael
• Gwella dewis ac ansawdd yr arlwy tai
• Mabwysiadu dull Rheoli Cymdogaeth i sicrhau buddsoddiad hirdymor
• Datblygu dull y cytunwyd arno’n lleol i lunio cynllun gofodol ar gyfer y gymdogaeth sy’n cynyddu i’r eithaf y cyfleoedd i adeiladu tai newydd ar safleoedd cymharol fach ond mewn mannau lle bydd cynhyrchion tai newydd yn effeithio ar y farchnad dai ar y cyfan.

Mae rhaglen ymgynghori a phroses cynllunio cymunedol fanwl ar waith a bydd hyn o gymorth i ddatblygu cynllun gweithredu cymdogaeth i’w roi ar waith yn yr ardal a chytuno ar flaenoriaethau gyda phobl leol er mwyn eu cynnwys yn y cyfleoedd ar gyfer y Dref a’u cymdogaeth yn y dyfodol.

Mae’r traeth wedi dod yn adnodd sy’n cael ei esgeuluso. Mae’r gostyngiad yn lefelau’r traeth o ganlyniad i erydu arfordirol wedi cael effaith niweidiol ar gymeriad ac ymarferoldeb y traeth. Bydd y cynllun arfaethedig i ailfodelu’r Promenâd, ynghyd â phrosiect i ddiogelu’r arfordir ac adfer y traeth yn dwyn effaith ddofn ar Golwyn fel atyniad pwysig i ymwelwyr.  

Er mwyn ategu cynigion hamdden, rhoddwyd ystyriaeth i wella’r economi hamdden/hwyr y nos trwy ddarparu mannau gwerthu yn y dull bistro/”cymdeithas gaffi”. Dylai’r ffocws fod ar argaeledd ystod o ddewisiadau ‘bwyta/yfed’ yn hytrach na diwylliant sy’n gwbl seiliedig ar ‘fariau’. Bydd y math yma o arlwy’n hanfodol er mwyn cynyddu i’r eithaf y cyfleoedd i annog y gymuned bresennol, ymwelwyr lleol a thwristiaid i fynd o gwmpas y dref gyda’r nos, gan greu gweithgarwch cadarnhaol.

Mae’r gyfran fwyaf o swyddfeydd yng nghanol y dref wedi’u lleoli i’r gorllewin o’r Ardal Fusnes Ganolog (AFG) a’r ardaloedd a adnabuwyd fel prif ardaloedd siopa, ar hyd Wynnstay Road a Rhodfa’r Tywysog. Ymddengys fod clwstwr o wasanaethau proffesiynol yn yr ardal hon, a’r rheiny’n meddiannu’r hen adeiladau preswyl sy’n fwy o faint ac yn fwy sylweddol. Mae swyddfeydd pwrpasol, mwy modern ar gael yn Heritage Gate, sydd wedi’i leoli yn union i’r dwyrain o ganol tref Bae Colwyn ar hyd Ffordd Abergele. Mae swyddfeydd a feddiannir gan y Sector Cyhoeddus, sy’n cynnwys Pencadlys yr Heddlu a’r Ganolfan Ddinesig, yn sefyll ychydig yn ôl, gyferbyn â datblygiad Heritage Gate, ac wedi’u lleoli ar ymyl ddwyreiniol Parc Eirias. Mae swyddfeydd eraill ar gael hwnt ac yma uwchben unedau adwerthu ledled yr ardaloedd a enwir uchod.

Mae nifer fawr o’r strydoedd ym Mae Colwyn yn rhai unffordd, gan gynnwys nifer o’r strydoedd cefn sy’n arwain o’r A457. Mae systemau unffordd yn creu symudiadau traffig diangen a dylid adolygu’r posibilrwydd o’u troi yn ôl yn strydoedd dwyffordd.

O ganol y dref dim ond un mynediad uniongyrchol sydd at y glannau a’r Pier; trwy Victoria Avenue a’r Orsaf. Mae cyfle gwirioneddol yma i greu cyswllt gwell rhwng canol y dref a’r glannau, ac i greu lleoedd ar ei hyd, megis sgwâr gwell i ganol y dref y tu allan i’r Orsaf, a fyddai hefyd yn gweithredu fel porth a man cyrraedd i deithwyr sy’n cyrraedd ar y trên.